Bhurgea ponnaili mojea azzeachi khobor hi. Mojo azzo mhunnge, moje avoicho bapui, zaitoch zannto aslo. Tedna taka oixim (80) vhoir taka vorsam aslim, punn matear tachea ekdom daat dove ful kens asle. Mortam pasun tacho ekui dant hallunk vo zoddonk naslo.
Angan matxe motvo aslo, ganvcho lok taka “Khadyo” (bearded man) mhunn volkotale. He maca attvench xem distallem. Haven taka khadd aslolo kednach pollunk nam, khadda viret taka “Khadyo” mhunntale!
Purai dis kaxtent astalo. Uttrakuch ghallio xevtitalo. Ekdom tidkicho monis to aslo.
Tacho vhoddlo put tarvar “bottler” astalo. Viaz marun ailolo ani chintlem bapaik morchea adim, plane-an (airplane) Bombaim vorunk. Tea tempar ami “aviaoum” mhunntale. Azzo kuxal, ghorchim soglim urbevont. Ami bhurge mhunntoch soglea meltoleank ami sangunk lagle ki "Amcho azzo plane-an Bombaim veta" mhunn.
Azzo xekim Bombaim vochon ailo. Ami soglim umetin ekdom fur-furim (excited) zaun azzeak vichar khorunk rautalim. Tanchi plane-achi bhoundi khoxi lagli ga mhunn?
Azzo titlo kuxi naslo. Tondar titlo hanxo pasun naslo. Torui punn taka vichar kelo ani tacho zabab aikun ami soglim tot'tak zalim. Tumkam zanna zaunk zai tannem kitem mhunnlem tem?
Azze-an oxem sangunk suru kelem: “Kitem sangum bhurgeano, vethannam toxem yetannam plane varear uddona fudem maka kapsant (toilet) vechem poddlem. Todi birant-xi disli. Anik kitem sangun kaxti bandun kalsanvache butanv ghalta mhunnosor ami “aerreportar” (airport) paule! Toddo vhell sittar boson zonelantlean bhair passun boremxem polleunk mellunk nam!
Babdo niraxi zallo!
Freddy Agnelo Fernandes
Dubai/Nuem, Canacona, Goa
No comments:
Post a Comment